Presidenti i Turqisë, Recep Tayyip Erdogan, ka urdhëruar që të merren masa ndaj televizioneve që sipas tij shkelin vlerat themelore të Turqisë.
Masat e reja do të ndihmojnë në eliminimin e “efekteve të dëmshme”, që sipas Erdoganit rrjedhin nga përmbajtjet e huaja mediatike të cilat përshtaten në Turqi.
Ilhan Tasci, një anëtar i mbikëqyrësit të medias nga partia kryesore opozitare në Turqi, veprimet e Erdoganit në drejtim të mediave i cilësoi si censurë dhe shkelje të Kushtetutës së Turqisë.
Qasja e pushtetit turk ndaj mediave është kritikuar edhe nga organizatat ndërkombëtare.
Reporterët pa Kufij e rendën Turqinë në 153 nga 180 vende në Indeksin e Lirisë së Shtypit Botëror të vitit 2021, raporton “Euronews”.
Sipas raporteve për Turqinë, censura ka prekur më së shumti përmbajtjet erotike dhe ato që lidhen me komunitetin LGBTI.
Erdogan është kritikuar se po shemb themelet e sekularizimit në Turqi të vendosura nga Mustafa Qemail Ataturk afër 100 vite më parë.
