Dramatizon Vuçiqi: “Nuk do të ketë ushqim, po përballemi me dimrin më të vështirë në 70 vjet, mund të ketë luftë bërthamore…”

Presidenti serb Aleksandar Vuçiq pati një fjalim mjaft dramatik si i ftuar në TV Prva, ndonëse tashmë kjo është e zakonshme për të, ku deklaroi se në Serbi nuk do të ketë ushqim të mjaftueshëm në periudhën e ardhshme dhe se me ankth pret lajme pozitive për një “investim të madh” misterioz.

• Duhet të mendojmë nëse do të kemi mjaft benzinë, qymyr dhe gaz, a do të mund të mbijetojmë! Dimri i ardhshëm do të jetë më i vështiri në histori në 70 vitet e fundit. Problemi është se askush nuk dëshiron të dëgjojë askënd përveç qëndrimit të tij tifoz. Sigurisht që do të ketë mungesa ushqimore. Ka energjenttë mjaftueshme, por për shkak të politikës së çmendur, nuk do të jenë të disponueshme nga të gjitha anët, transmeton Jutarnji list.

Ai paralajmëroi se 25% e tregut botëror nuk do të ketë bukë.

“Shikoni çmimet e grurit në treg pasi India ndaloi eksportet e drithërave,” tha ai.

Ai theksoi se Serbia ka pasoja të mëdha sepse nuk ka vendosur sanksione ndaj Rusisë.

• Shtatë producentë, regjisorë dhe aktorë amerikanë refuzuan të vijnë në Serbi sepse ne nuk vendosëm sanksione. Po pësojmë dëme të mëdha, por nuk kërkoj mirënjohje nga askush. Do të ishte mirë që ambasadori i Federatës Ruse të ishte pak më korrekt kur foli për këtë, por ne nuk po e bëjmë për ta, por për veten tonë, sepse e dimë se sa të padrejta janë sanksionet. Do të jetonim 10 herë më mirë nëse do të vendosnim sanksione ndaj Rusisë, por nuk do ta bëjmë këtë, zbuloi ai.

Vuçiq ka folur edhe për inflacionin.

• Në baza javore merremi me çmimin e naftës dhe benzinës. Është faji im. Ne gjenerojmë të ardhura kryesore nga nafta, është e pamundur të mbajmë shtetin nëse nuk marrim para të caktuara. Humbim 36 milionë euro në muaj. Të gjitha për të paguar një çmim më të ulët për karburantin. Kjo është e padurueshme. Duhet ta kishim rritur rrymën 10 vite më parë, por tani nuk mundemi. Njerëzit nuk e durojnë dot.

Presidenti serb beson se konflikti bërthamor është real.

• Të gjithë do të donin paqen, por pala tjetër duhet mposhtur. Do të ketë një luftë më të madhe se sa është tani. Presidenti kinez paralajmëroi Evropën se duhet të kujdeset për sigurinë, sepse kjo krizë e vogël dhe e kufizuar në Ukrainë mund të bëhet shkak i konflikteve të mëdha globale. Këto konflikte i pres në vjeshtë dhe prandaj pres një dimër të vështirë. Konflikti më i madh është realiteti. Ka më shumë gjasa të ndodhë sesa të mos ndodhë, tha ai.

Ai raportoi se pret “lajmin e madh” të një gjiganti automobilistik të paidentifikuar në lidhje me një investim në Serbi në qershor.

• Do të hidhem me kostum në pishinën e Tasmajdanit, nëse e marrim punën. Pas kësaj – mbarova punën për Serbinë. Kjo do të ishte fitorja më e madhe për Serbinë. Dy vende të tjera janë në rrezik dhe mendoj se ne jemi më të mirë se ata në gjithçka, përveç një gjëje (sanksionet ruse), tha ai.

U fol edhe për Kosovën, ndaj Vuçiq zbuloi se grupi G7 ‘hapi sytë’.

• Në përputhje me parimet evropiane dhe euroatlantike, unë nuk e jap integritetin territorial të Serbisë, ashtu siç nuk e japin integritetin territorial të Ukrainës. Vendosa t’i përmbahem parimit të G7, a ka ndonjë gjë më të rëndësishme se kaq. Nuk është rastësi që Medvedev përmendi precedentin e Kosovës, theksoi ai.

Ai iu referua edhe thirrjeve të fuqive më të mëdha të botës në grupin G7, të cilat i thanë Serbisë të harmonizojë politikën e saj me BE-në dhe të vendosë sanksione ndaj Rusisë.

• Unë ua them të gjithëve personalisht, dhe ata më thonë tre herë më keq se çfarë tha grupi G7. Nëse Rusia po kryen krime më të rënda se sa bëri Serbia, atëherë pse e bombardove Serbinë? Pse nuk e bombardoni Rusinë atëherë? Nuk kam qime në gjuhë që t’u them gjithçka në fytyrë, tha ai.

Duke komentuar deklaratën e të dërguarit të posaçëm gjerman për Ballkanin Perëndimor Manuel Sarrazin se Kosova ka mbështetjen e Gjermanisë për anëtarësim në Këshillin e Evropës, Vuçiq tha se është më mirë të heshtni disa gjëra.

I pyetur për të komentuar faktin se një pjesë e mirë e publikut serb është kundër vendosjes së sanksioneve ndaj Rusisë, Vuçiq u përgjigj:

• Vërtet? Pra, çfarë tani? Dhe tezja ime është, babai im është dhe unë po ashtu. Dhe tani po për këtë? Çfarë lidhje ka kjo me drejtimin e një vendi? Asnje. Ne kemi duruar 80 ditë dhe çmimi që paguajmë është i madh dhe në thelb nuk kemi akses në tregun e kapitalit. Unë nuk po shpall vendosjen e sanksioneve, ne do të luftojmë për aq kohë sa mund të mbajmë politikën tonë. Dhe ne po e ndjekim këtë politikë jo sepse kemi diçka nga mos vendosja e sanksioneve, tha ai.