Shqipëria do të riemërojë një rrugë në kryeqytetin e saj Tiranë, ku ndodhen ambasadat ruse dhe ukrainase, si “Ukraina e Lirë” për të nderuar rezistencën e Ukrainës ndaj luftës, tha kryebashkiaku të dielën.
Që kur Rusia pushtoi Ukrainën, Shqipëria anëtare e NATO-s i është bashkuar vendeve të tjera evropiane në vendosjen e sanksioneve ekonomike dhe ndalimin e avionëve rusë nga hapësira e saj ajrore.
“Brezi ynë do të shënohet nga ky agresion i përgjakshëm rus dhe rezistenca heroike e Ukrainës duhet të mbahet mend në vendet tona publike”, tha kryebashkiaku i Tiranës, Erion Veliaj për Reuters.
Rruga më parë mbante emrin e Donika Kastrioti, e cila ishte gruaja e heroit kombëtar të Shqipërisë Skënderbeu. Në rrugë ndodhen edhe ambasadat e Serbisë dhe Kosovës.
Kryebashkiaku Veliaj tha se emri i ri do të jetë një kujtesë për stafin e ambasadës ruse. “Rusët do të duhet të punojnë, të jetojnë dhe të marrin postën e tyre në një adresë rruge në Ukrainën e Lirë”.
Rusia i quan veprimet e saj në Ukrainë një “operacion special” për të cilin thotë se nuk është krijuar për të pushtuar territore, por për të shkatërruar aftësitë ushtarake të fqinjit të saj jugor dhe për të kapur ato që ajo i konsideron si nacionalistë të rrezikshëm. /albora.ch/
Lexo edhe:
