Këshilli i Ambasadorëve Shqiptarë ka reaguar duke thënë se çdo kërcënim për Ukrainën përbën një shkelje të rëndë të së drejtës ndërkombëtare dhe një kërcënim serioz edhe për sigurinë evropiane.
![](https://www.albora.ch/wp-content/uploads/2023/01/ozone_zak_gif.gif)
Në një deklaratë KASH mbështet sovranitetin dhe integritetin territorial të Ukrainës dhe bën thirrje për zgjidhjen e mosmarrëveshjeve me negociata.
“Kënaqësi të kishim mes nesh sot të ftuar Ambasadorin e Ukrainës Sh.T.Z. Volodymyr Shkurov me të cilin patëm një shkëmbim të vyer opinionesh dhe informacionesh në lidhje me zhvillimet shqetësuese rreth Ukrainës”, thuhet në deklaratë.
Tutje, Këshilli i Ambasadorve Shqiptarë, konsideron se çdo kërcënim për Ukrainën përbën një shkelje të rëndë të së drejtës ndërkombëtare dhe një kërcënim serioz edhe për sigurinë evropiane dhe bën thirrje për zgjidhjen e mosmarrëveshjeve me negociata.
“Shqipëria, edhe si vend anëtar i NATO-s dhe anëtar jo i përhershëm i Këshillit të Sigurimit të Kombeve të Bashkuara, është në krah të Ukrainës në mbrojtje të sovranitetit dhe integritetit territorial të saj”, përfundon deklarata. /albora.ch/