Wladimir Klitschko, i cili së bashku me vëllain, Vitalin, po ashtu ish-kampion i botës dhe kryebashkiak i Kievit dhe me shumë sportistë dhe ish-sportistë, i janë bashkuar ushtrisë ukrainase në mbrojtje të atdheut, ka dalë me një video të re në rrjete sociale, transmeton albora.ch.
Ai ka shprehur edhe një herë brengën e tij për momentet e tmerrit që po i përjetojnë bashkëkombësit e tij.
Ish-kampioni i botës në boksin profesionist e ka vizituar një qendër të strehimit të ukrainasve, të cilët kanë mbetur pa kulm mbi kokë pas sulmeve nga bombat dhe raketat ruse. Ai ndihet i shqetësuar për popullatën dhe i mllefosur në agresorin rus, teksa kërkon mbështetje nga bashkësia ndërkombëtare.
“Kjo është e tëra, nuk ka jetë për njerëzit ukrainas: duke e kërkuar ndonjë strehë pasi ushtria ruse i bombardoi qytetet e tyre dhe ua shkatërroi shtëpitë, ata humbën gjithçka. Kanë frikë nga alarmet që paralajmërojnë sulme të reja. Ju lutem, vazhdoni të ndihmon”, ka shkruar Klitschko në llogarinë e tij zyrtare në “Twitter”. /albora.ch/
This is all, there is no life for the Ukrainian people: seeking any shelter after Russian army bombarded their cities and destroyed their homes and they lost everything. Dreading the alarms announcing new attacks. Please keep on helping!#FreeUkraine #WeAreAllUkrainians pic.twitter.com/rT8G9h8RVO
— Klitschko (@Klitschko) March 13, 2022
