Presidentja e Komisionit Evropian, Ursula Von Der Leyen u shpreh se mund të ishin shmangur mbi 1 milionë shtrime në spital në BE nëse të gjithë të vaksinuarit për koronavirusin do të kishin marrë dozën përforcuese të vaksinës kundër Covid-19.
“Sot po arrijmë një moment historik në fushatat e vaksinimit. Më shumë se gjysma e të rriturve në BE kanë marrë dozën perforcuese të vaksinës kundër Covid-it. Ndërsa 82% e të rriturve në BE janë vaksinuar. Kjo është një gjë shumë e mirë. Por sigurisht ne duhet të bëjmë më shumë. Ata që munden duhet të marrin dozën perforcuese”, tha presidentja e KE-së në një video-mesazh në Twitter.
Ajo theksoi se mjekët dhe provat klinike e kanë bërë shumë të qartë se vaksinimi, doza përforcuese ofrojnë mbrojtjen më të mirë kundër virusit dhe mutacioneve të tij, duke përfshirë Omikron.
“Pandemia nuk ka mbaruar dhe mutacioni i Omikron-it po përhapet me të vërtetë shpejt në shumë vende të BE-së. Le të mbrohemi,” përfundoi Ursula Von Der Leyen./albora.ch/
Half of all adults in the EU now had their booster shot.
— Ursula von der Leyen (@vonderleyen) January 28, 2022
This is good. But we need to do more.
Vaccination and boosters are the best protection against COVID, including Omicron.
If all vaccinated Europeans got a booster, we could avoid around 1 million hospitalisations. pic.twitter.com/flM3fCx81H