Qeveria shqiptare ka vendosur sot që të shpallë “Monument natyre” Tulipanin shqiptar. Lajmi i mirë u konfirmua sot nga ministrja e Kulturës, Mirela Kumbaro.
Theksojmë se kjo lule e rrallë është zbuluar në 2003 dhe rritet vetëm në Shqipëri, në zonën e Surroit në Bashkinë e Kukësit. Kjo lule është e rrezikuar nga aktiviteti minerar në zonë.
Tulipani shqiptar ngjan me tulipanin e Sardenjës, por dallon, pasi ka gjethe me valëzim, si dhe është i ndryshëm nga ana gjenetike.
“Në radhë të parë një specie e veçantë që bën pjesë në speciet e rrezikuara, tulipani shqiptar, i zbuluar si i tillë në vitin 2003. Shpallet në një lëndinë të caktuar ku rritet në Bashkinë e Kukësit, monument natyre, që është shkalla më e lartë e mbrojtjes, rreth 35 ha në njësinë administrative të Surrojit në Kukës.
Një zonë që merr këtë topologji mbrojtje. Kjo specie është në listën e kuqe ndërkombëtare që janë speciet më të rrezikuara, rritet vetëm në Shqiperi dhe në atë zonë të Shqipërisë”, vijoi ministrja Kumbaro.
