Sot ekipet e shpëtimit iu afruan edhe më shumë shpëtimit të një djali 5 vjeçar, i cili ka mbetur i ngujuar tash e pesë ditë në një bunar në veri të Marokut.
Fëmiu me emrin Rayan ra të martën në një pus të thellë 32 metra në Chefchaouen. Pusi është vetëm 45 centimetra i gjerë në pjesën e sipërme dhe edhe më i ngushtë në thellësi, prandaj të rriturit nuk mund të futen për ta nxjerrë fëmijën.
Prandaj, ekipet e shpëtimit kanë larguar shumë dhe paralelisht me bunarin. Të shtunën në mëngjes, ata po e largonin dheun horizontalisht në drejtim të pusit dhe po vendosnin gypa PVC për tu mbrojtur nga shembja e dheut dhe për ta nxjerrë fëmijën, shkruan Reuters.
“Ky hap i dytë i shpëtimit është rreth përfundimit. Po garojmë që ta marrim Rayan-in dhe largimi i dheut po shkon siç është planifikuar”, tha udhëheqësi i ekipit të shpëtimit, Abdelhadi Tamrani.
Një medium tjetër shtetëror citoi një anëtar të ekipit të shpëtimit të ketë thënë se fëmija është ende gjallë.
Ndërsa, një dëshmitar i tha agjencisë “Reuters” se largimi i dheut horizontalisht është vonuar nga gurët, të cilët e kanë ndërlikuar punën me dorë./albora.ch/