Presidentja e Kosovës, Vjosa Osmani, theksoi se Kosova e ka objektiv kryesor anëtarësimin në NATO. Derisa e përmendi luftën në Ukrainë, ajo tha se anëtarësimi i Kosovës në NATO është i domosdoshëm.
![](https://www.albora.ch/wp-content/uploads/2023/01/ozone_zak_gif.gif)
“Anëtarësimi në NATO mbetet objektiv strategjik i shtetit tonë, andaj anëtarësimi është më i domosdoshëm se kurrë dhe është parakusht për paqen në rajon”, tha Osmani.
Presidentja shtoi se kërcënimet ndaj lirisë janë realitet që akoma po e përjetojmë.
“Ne nuk duhet të heqim dorë asnjëherë nga përpjekja që shtetin ta mbajmë stabil. Si komandante supreme jam e bindur që ju ushtarë do ta bëni këtë dhe jeni gati për çdo situatë. Besoj fuqishëm se jeni gardianët tanë dhe çdo cepi të territorit tonë”.
![](https://www.albora.ch/wp-content/uploads/2022/03/vjosa-2-1024x682.jpg)
Ndërkohë, ditë më parë, ministri i Mbrojtjes në Kosovë, Armend Mehaj ka kërkuar që të ndodh anëtarësimi i përshpejtuar i Kosovës në NATO dhe vendosja e Bazës së Përhershme të Forcave Amerikane në Kosovë./albora.ch/