Policia e Kosovës ka konfiskuar 174 pajisje të paligjshme, që ishin përdorur për prodhimin e kriptovalutave, gjatë një aksioni në Zubin Potok.
Kështu bëri të ditur ministrja e Ekonomisë, Artane Rizvanolli përmes një postimi në rrjetet sociale.
“Mospagimi i faturave të energjisë elektrike ka inkurajuar aktivitetet e tilla të paligjshme. Për këtë Serbia bllokon zbatimin e Udhërrëfyesit për energjinë. Ne kemi përmbushur zotimet tona. Është koha që edhe pala tjetër urgjentisht të bëjë të njëjtën gjë”, ka shkruar ajo në Twitter.
Më herët gjatë ditës, ministri i Punëve të Brendshme, Xhelal Sveçla, kishte konfirmuar aksionin e autoriteteve të vendit në veriun e banuar me shumicë serbe, por nuk kishte dhënë më shumë detaje.
Më 2022, kur Kosova u përball me krizë të energjisë, Qeveria e Kosovës ndaloi mihjen e kriptovalutave, proces që shpenzon shumë energji elektrike.
🇽🇰 Police seized 174 illegal crypto-mining devices in Zubin Potok.
— Artane Rizvanolli (@Artane_R) April 14, 2023
Non-payment of electricity bills encourages such illegal activities. This is why Serbia blocks the energy roadmap implementation.
We fulfilled all our commitments. Time for the other side to do the same, urgently! pic.twitter.com/01upWlPREX
