Futbollisti më i famshëm i të gjitha kohërave, Pele, përdori ndikimin e tij në media për të ndërmjetësuar pranë qeverisë ruse për t’i dhënë fund pushtimit të Ukrainës që po zgjatë tash e tre muaj.
“O Rei” ka publikuar një letër të hapur në llogarinë e tij në Instagram, ku i kërkon Presidentit të Rusisë, Vladimir Putin, të rishqyrtojë veprimet e tij, pasi nuk ka argumente për të justifikuar dhunën.
Për më tepër, ai kujtoi se të dy personazhet përkonin para Kupës së Botës 2018 në Rusi, kështu që ai bëri thirrje për vullnetin e tij të mirë për t’i dhënë fund një lufte të pajustifikuar. Pelé përfitoi nga fitorja e skuadrës ukrainase në Skoci, e cila i lë një fitore larg Botërorit 2022 në Katar, pas një dueli që u shty për shkak të luftës.
“Dua të përfitoj nga ndeshja e sotme për të bërë një kërkesë: ndaloni këtë pushtim. Nuk ka argumente që justifikojnë dhunën“, tha legjenda braziliane.
“Kur jemi takuar në të kaluarën dhe kemi shkëmbyer një buzëqeshje të madhe të shoqëruar me një shtrëngim duarsh të gjatë, ishte e paimagjinueshme që një ditë të mund të ndaheshim aq sa jemi sot”, shtoi ai.
