Kombi më i lumtur në botë janë finlandezët.
Finlanda kryesoi listën për të dytin vit radhazi, duke e bërë atë vendin më të lumtur në botë. Ajo u pasua nga vende të tjera nordike si Danimarka, Norvegjia, Islanda dhe Holanda.
Pavarësisht sulmit të fundit në Christchurch, edhe Zelanda e Re shënoi mirë, duke u renditur në vendin e tetë për të dytin vit radhazi, transmeton albora.ch.
“Ajo që bie në sy në shoqëritë më të lumtura dhe më të lidhura është qëndrueshmëria dhe aftësia e tyre për t’u marrë me gjërat e këqija,” tha bashkëredaktori i raportit John Helliwell, duke iu referuar Zelandës së Re. “Pas tërmetit të vitit 2011 dhe tani sulmit terrorist në Christchurch, me kapital të lartë shoqëror, ku njerëzit janë të lidhur, njerëzit mblidhen dhe ndihmojnë njëri-tjetrin dhe [pas tërmetit] rindërtohen menjëherë”, theksoi ai.
Gjashtë nga 10 vendet që janë më pak të lumtur janë në Afrikë, duke përfshirë Sudanin e Jugut në fund të listës. Mbi 80% e popullsisë së Sudanit Jugor jeton në varfëri ekstreme, me më pak se 1 USD në ditë.
Jemeni dhe Afganistani gjithashtu shënuan dobët në shkallën e lumturisë, sipas raportit. Këto vende kanë nivele të larta varfërie dhe kanë zona të larta konflikti.
Venezuela, e cila është në mes të një krize ekonomike dhe politike, ka pasur rënien më drastike në krahasim me vitet e mëparshme. Ajo ra 88 vende nga numri 20 në 2013 në numrin 108 tani në listë.
Shtetet e Bashkuara gjithashtu ranë pesë vende në listë që nga viti 2017, pavarësisht se renditen në vendin e 10-të për të ardhurat. Raporti thoshte se ndërsa SHBA është një komb i pasur, qytetarët e saj luftojnë me varësinë dhe përdorimi i lartë i mediave sociale po zvogëlon ndërveprimin social.
Për shkak të kësaj, SHBA-të kanë nivele të larta trishtimi dhe ankthi, veçanërisht tek adoleshentët. Ulja e lumturisë nga vendet me popullsi të dendur si SHBA dhe India kanë bërë që nivelet e lumturisë në botë të bien në përgjithësi. Raporti vuri re gjithashtu një rritje të emocioneve negative në mbarë botën./albora.ch/
