Ministrja e Jashtme gjermane Analena Baerbock, gjatë një konference shtypi me Luigi Di Maio, u shpreh: “jo vetëm mbi klimën dhe energjinë, por gjithashtu ne jemi në të njëjtën anë me Italinë në lidhje me refugjatët”.
![](https://www.albora.ch/wp-content/uploads/2023/01/ozone_zak_gif.gif)
“Nuk duam të pranojmë se njerëzit vdesin në mesdhe, ne duhet të punojmë intensivisht për kufijtë e jashtëm të BE dhe për një politikë të përbashkët të qëndrueshme azili”.
“Gjendja e tanishme nuk është e pranueshme”, raporton Tgcom24, përcjellë albora.ch.
Plani i veprimit mbi të cilin po punojnë Italia dhe Gjermania do të forcojë marrëdhëniet e ndërsjellta dhe do të jetë një pakt i mëtejshëm midis dy vendeve “thellësisht europianë”, theksoi Baerbock.
Në frontin evropian, Italia dhe Gjermania do të punojnë së bashku për të trajtuar çështjet kyçe, nga mbrojtja e klimës tek emigrantët u tha në konferencë.
Ministri i jashtëm i Italisë Di Maio theksoi se Pakti i gjelbër me Berlinin, veprimi i përbashkët mbi klimën, Lufta kundër ndryshimit të klimës dhe tranzicionit të gjelbër, janë dy nga përparësitë e përbashkëta mes Gjermanisë dhe Italisë. /albora.ch/