Me siguri keni dëgjuar për gruan më të shëmtuar në botë, fotografia e së cilës po qarkullon prej kohësh në internet. Kjo është historia e jetës së saj.
A keni dëgjuar për Mary Ann Bowanin, gruan që mori titullin e gruas më të shëmtuar në botë?
Ne bëmë një kërkim të vogël dhe zbuluam se Mary Ann nuk dukej gjithmonë kështu. Ajo ishte një grua e re e bukur përpara se simptomat e akromegalisë të fillonin të shfaqeshin në fytyrën e saj.
Akromegalia është një çrregullim hormonal, që ndodh kur gjëndra e hipofizës prodhon shumë hormon të rritjes pas mbylljes së pllakave të rritjes.
Çrregullimi prek tre nga 50,000 njerëz dhe zakonisht rrit duart dhe këmbët, por gjithashtu mund të rrisë madhësinë e nofullës, hundës dhe ballit.
Meri lindi në 1874 në një familje të shtresës së mesme dhe ishte vajza e vetme që kishte shtatë vëllezër.
Studioi mjekësi dhe u bë infermiere në 1894. Nëntë vjet më vonë u martua me Thomas Bevanin dhe së bashku patën katër fëmijë.
Ata ishin një familje e lumtur derisa Maria u godit nga një sëmundje e panjohur në atë kohë.
Burri i saj qëndroi me të, por ai vdiq papritur nga një goditje truri në 1914. Meri nuk mundi të gjente punë për shkak të pamjes së saj fizike dhe nga dëshpërimi aplikoi në konkursin “Gruaja më e shëmtuar” dhe fitoi.
E duroi poshtërimin dhe talljen për të ushqyer familjen e saj.
Në vitin 1920, Mary u ftua në Dreamland Circus në Coney Island, ku punoi deri në vdekjen e saj në 1933. Ajo gjithashtu bëri turne për Ringling Bros., duke mbledhur para të mjaftueshme për të rritur katër fëmijë.
Bevan duhet të mbahet mend si një nënë e mrekullueshme që bëri atë që duhej të bënte për të mbijetuar dhe për të qenë në gjendje të siguronte një të ardhme për fëmijët e saj.
