Radio Televizioni Zviceran raportoi për kundërshtarët e masave ndaj koronavirusit në Telegram.
Gjatë hulumtimit gazetarja e televizionit zviceran Helena Schmid u përball me një problem, ku të gjitha të dhënat e saj personale u publikuan në të gjitha kanalet, e më pas pasuan edhe thirrje dhe ofendime të tmerrshme.
“Vrasësi masiv duhet të ekzekutohet publikisht”, mesazhe si ky në këtë rast drejtuar kundër ministrit të Shëndetësisë Alain Berset, po qarkullojnë në bisedat grupore të skeptikëve ndaj koronës.
Skeptikëve e Covid-19, e kanë përdorur gjerësisht shërbimin e lajmeve Telegram që nga fillimi i pandemisë që të shkëmbejnë mendime dhe të organizojnë demonstrata.
Megjithatë, disa prej tyre janë radikalizuar masivisht. Ata përhapin urrejtje, bëjnë thirrje për dhunë ose të paktën kërcënojnë.
Gazetarja e SRF Helena Schmid hulumtoi raportin Rundschau, i cili u transmetua në 9 shkurt. Ajo gjeti përdorues të Telegram që shkruanin mesazhe të tilla urrejtjeje dhe i vuri në provë.
Menjëherë pasi Schmid foli me një kundërshtar të masave, ajo u vu në shënjestër të skeptikëve.
“Emri im, numri i telefonit tim celular dhe informacione të rreme për veten time u shpërndanë në të gjitha bisedat e grupeve të kundërshtarëve”, tha Helena Schmid për Blick.
Por pak kohë më vonë, Helena Schmid u përjashtua nga të gjitha grupet e Telegram, dhe i është bllokuar adresa e banimit në të gjitha faqet e internetit./albora.ch/
