I dërguari i posaçëm i SHBA-së për Ballkanin Perëndimor, Gabriel Escobar, vlerësoi sot se problemi kryesor në Bosnjë-Hercegovinë është korrupsioni, i cili, sipas tij, mbulohet nga nocioni i interesave kombëtare.
Në një intervistë me N1-në kroate, Escobar tha se Shtetet e Bashkuara besojnë se ka hapësirë për negociata, fleksibilitet dhe kompromis mbi ndryshimet e kufizuara në kushtetutë dhe legjislacionin zgjedhor në BeH.
“Dhe mendojmë se zgjedhjet duhet të mbahen këtë vit. Zgjedhjet janë një pjesë shumë e rëndësishme e procesit demokratik dhe evolucionit demokratik. Prandaj, ne inkurajojmë të gjitha palët që të jenë fleksibël dhe të hapur dhe t’i bashkohen negociatave me vullnet të mirë”, tha ai.
I pyetur nëse nocioni i interesave kombëtare për të mbuluar korrupsionin Escobar thotë “Absolutisht!” “Nëse shikoni problemet që ka BeH-ja, problemi nuk është se njerëzit nuk duan bashkëjetesë me kroatët, boshnjakët apo serbët. Analizat e njohura, si ajo e Transparency International, tregojnë se Bosnja dhe Hercegovina është vendi më i korruptuar në Ballkanin Perëndimor dhe pothuajse vendi më i korruptuar në Evropë. Pra, ky është problemi më urgjent”, tha ai.
Siç vlerësoi ai, mosfunksionimi ushqen korrupsionin dhe krijon mundësi për më shumë korrupsion.
“Nuk mendoj se ka ndonjë gjë të natyrshme në BeH që do ta paracaktonte të jetë vend i korruptuar. Mendoj se ka të bëjë shumë me mungesën e guximit politik të liderëve “, tha ai.
I pyetur se çfarë mendon për bashkëpunimin an e ngushtë mes of Dragan Çoviqit dhe Milorad Dodikut, Escobar tha se mendon se shumë motivim vjen nga korrupsioni.
“Prandaj u bëj thirrje të gjithë drejtuesve që të punojnë në të mirë jo vetëm të institucioneve, por edhe të popullit. Duhet ta shikoni atë veprim, jo në kontekstin e etnonacionalizmit, por thellimit të korrupsionit, dhe kjo është ajo që më shqetëson më shumë”, tha Escobar.
