SHBA do vendos sanksione të tjera ekonomike ndaj Rusisë dhe presidentit të saj Vladimir Putin pas pushtimit rus të Ukrainës.
Siç kanë raportuar tashmë mediat amerikane, thuhet se ky është një ndalim i importit të naftës, gazit dhe qymyrit rus, transmeton albora.ch.
Këtë e konfirmoi presidenti amerikan Joe Biden në një konferencë për media, raporton reuters.
“Nafta ruse nuk do të pranohet më në portet amerikane”, thotë Biden. “Kjo do t’i japë një goditje tjetër shkatërruese makinës së luftës së Putinit.”
“Ukraina nuk do të jetë kurrë një fitore për Putinin”, tha Biden.
Në të njëjtën kohë, presidenti amerikan e bën të qartë se sanksionet ndaj Rusisë do të kenë pasoja edhe për konsumatorët amerikanë.
“Mbrojtja e lirisë do të na kushtojë gjithashtu diçka”, thotë Biden. Ajo që nënkuptohet me këtë, natyrisht, janë çmimet e benzinës, të cilat tani pashmangshmërisht do të rriten. /albora.ch/
