Që nga fillimi i luftës në Ukrainë, Bashkimi Evropian ka kërkuar një mënyrë për të hequr qafe shpejt varësinë e tij nga energjia nga Rusia.
Komisioni Evropian ka paraqitur një plan se si mund të duket. Një gjë është e sigurt në shikim të parë – do të kushtojë shumë.
Komisioni vlerësoi se duhet të investojë deri në 300 miliardë euro deri në vitin 2030 për të refuzuar energjinë ruse. Përveç eliminimit të Rusisë si një burim energjie, plani është për të përshpejtuar kalimin nga lëndët djegëse fosile në burimet e rinovueshme neutrale ndaj klimës, transmeton B92-ja.
“Ne kemi nevojë urgjente për të reduktuar varësinë tonë nga Rusia”, tha presidentja e Komisionit Ursula von der Layen, duke paraqitur projekt-planin në Bruksel. “Do të mobilizojmë deri në 300 miliardë euro për këtë”.
Programi duhet të çojë në kursime në konsumin e energjisë, të përshpejtojë daljen nga lëndët djegëse fosile dhe të inkurajojë investimet.
“Kjo do të përfshijë turbo-n tonë evropiane të “Marrëveshjes së Gjelbër””, shtoi politikani gjerman. Një nga qëllimet përfundimtare është që BE-ja të mund të ndalojë plotësisht importin e energjisë ruse gjatë kësaj dekade.
Kjo do të thotë kursim i konsumit nga nëntë në 13 për qind deri në vitin 2030 dhe rritje të peshës së burimeve të rinovueshme në prodhimin e energjisë nga 40 në 45 për qind.
Nga ana legjislative, BE-ja duhet të përshpejtojë procedurën për miratimin e projekteve të energjisë së rinovueshme, të prezantojë instalimin e detyrueshëm të paneleve diellore në çati në ndërtesat e reja dhe të fillojë të importojë më shumë hidrogjen, një lëndë djegëse që nuk krijon gazra të dëmshëm kur digjet.
Përsa i përket investimeve, BE-ja duhet të zhvillojë rrjetin elektrik, por edhe tubacionet e gazit dhe naftës, sepse rrjeti ekzistues të çon kryesisht në Rusi. Vetëm Hungaria duhet të investojë deri në dy miliardë euro për t’u ndarë nga gazi rus.
Programi do të financohet nga huatë dhe pagesat buxhetore të anëtarëve.
Shumë nga masat në draft duhet ende të miratohen nga vendet e BE-së dhe Parlamenti Evropian.
