Ambasadori i SHBA-së në Beograd, Anthony Godfrey thotë se përparimi i qëndrueshëm në dialogun ndërmjet Kosovës dhe Serbisë varet nga dëshira e liderëve në Beograd dhe Prishtinë për të “ndërmarrë hapa të vështirë dhe të guximshëm të nevojshëm për ta forcuar paqen dhe prosperitetin që meriton ky rajon”.
![](https://www.albora.ch/wp-content/uploads/2023/01/ozone_zak_gif.gif)
Duke folur për krizën në dialog dhe rolin e Washingtonit në këtë proces, Godfrey tha në një intervistë për mediumin serb “Blic” se përparimi i qëndrueshëm duhet të vijë “nga këtu”.
“Washingtoni vazhdon të bëjë gjithçka që mundet për ta inkurajuar dhe mbështetur normalizimin e plotë të marrëdhënieve midis Beogradit dhe Prishtinës dhe njohjen përfundimtare reciproke”, tha Godfrey.
Kur u pyet për ardhjen e ambasadorit të ri të SHBA-së në Serbi, Christopher Hill, Godfrey tha se nuk mund ta parashikojë datën e mbërritjes së tij, por se e di se Hill “mezi po pret të vijë në Serbi”.
Ai theksoi se Hill është një nga diplomatët më të suksesshëm amerikanë dhe se emërimi i tij është një “mesazh” për Beogradin./albora.ch/