Qeveria federale kërkon që prodhuesit e pijeve të reduktojnë përmbajtjen e sheqerit me 20 për qind në të gjithë gamën deri në vitin 2024.
Këtë e konfirmoi shefi i Rivella, Erland Brügger në një intervistë për “SonntagsZeitung”. “Zyra Federale e Sigurisë Ushqimore dhe Veterinarisë regjistroi uljen si kjo”, thotë Brügger. Bëhet fjalë për një deklaratë vullnetare nga ana e industrisë. Kompanitë mund të komentojnë mbi propozimet federale.
Kur u pyet, Zyra Federale tha se objektivat për reduktimin e sheqerit u diskutuan në një tryezë të rrumbullakët me përfaqësues të industries, transmeton albora.ch.
Bisedime të mëtejshme janë planifikuar për këtë vit. Shefi i Rivella, Brügger, thotë për “SonntagsZeitung” se çështja e sheqerit po bëhet gjithnjë e më politike. “Në Zvicrën perëndimore, ka përpjekje në kantone të ndryshme për të vendosur një taksë për sheqerin. Tema mund të fitojë rëndësi edhe në shkallë kombëtare.”
Që në vitin 2019, qeveria federale, së bashku me industrinë dhe shitësit me pakicë, vendosën të reduktojnë përmbajtjen e sheqerit në kos dhe muesli.
Përmbajtja e sheqerit në kos duhet të reduktohet me dhjetë për qind deri në vitin 2024 dhe me 15 për qind të mueslit./albora.ch/
