Një burrë tajlandez është dënuar me burgim të përjetshëm për vrasjen e një turiste 57 vjeçare zvicerane në ishullin Phuket vitin e kaluar.
Dënimi të mërkurën vjen pasi 27 vjeçari mbyti gruan zvicerane përpara se t’i vidhte 300 baht (CHF8.50), transmeton albora.ch.
Gjykata tha se burri kishte qëllim edhe të përdhunonte gruan, të cilën e hasi pranë një ujëvare në ishullin turistik Phuket korrikun e kaluar, por në fund e vrau dhe vodhi paratë.
Gruaja zvicerane kishte mbërritur në ishull më 13 korrik nën skemën “Phuket Sandbox”, një përpjekje për të rihapur turizmin në Tajlandë pas pandemisë Covid-19, dhe që lejoi udhëtarët e huaj të vaksinuar plotësisht të qëndronin në ishull pa karantinë përpara se të udhëtonin diku tjetër në vend pas 14 ditësh.
Në atë kohë, krimi shkaktoi tronditje dhe shqetësim në Tajlandë, dhe një vigjilje u mbajt në Phuket nga stafi i hotelit dhe njerëzit e biznesit për të shprehur ngushëllimet.
Kryeministri tajlandez, Prayut Chan-O-Cha madje lëshoi një deklaratë duke kërkuar një hetim të shpejtë.
Pas një arrestimi dhe marrjeje në pyetje nga policia rajonale gushtin e kaluar, burri rrëfeu dhe u tha mediave se ai do të donte t’i kërkonte falje familjes së turistes dhe t’i lutej që ta falin atë. /albora.ch/
