Maria Ponomarenko, 44 vjeç, u arrestua në Shën Petersburg në prill për publikimin e informacionit në lidhje me granatimet ruse të teatrit në Mariupol në kanalin Telegram Pa Censurë. Ajo rrezikon deri në 10 vjet burg.
Një gazetare dhe aktiviste ruse është transferuar në një spital psikiatrik pasi akuzohet se ka publikuar “lajme të rreme për ushtrinë ruse”, njoftuan kolegët e saj nga media RusNews.
Maria Ponomarenko , 44 vjeç, u arrestua në Shën Petersburg në prill për publikimin e informacionit në lidhje me bombardimin rus të teatrit në Mariupol në kanalin Telegram Pa Censurw. Ajo rrezikon deri në 10 vjet burg.
Prokurorët përmendën këtë koment si një nga provat se ajo përhap gënjeshtra: “Është e pamundur të heshtësh kur di për vdekjen e mijëra njerëzve të pafajshëm”.
I është e ndaluar të ketë kontakt me familjen e saj
Ponomarenko tani është transferuar në një spital psikiatrik. Ajo do të qëndrojë aty për rreth një muaj dhe do t’i nënshtrohet një ekzaminimi psikiatrik, shkruan RusNeës, duke iu referuar avokatit të saj Sergej Podolski.
Gazetarja aktualisht nuk lejohet të takohet me familjen dhe miqtë e saj dhe i ndalohet të marrë letra. Ajo lejohet të kontaktojë vetëm një avokat.
Një tjetër aktiviste, Aleksandra Skochilenko , u urdhërua t’i nënshtrohej një vlerësimi psikiatrik muajin e kaluar për shkak të akuzave për përhapjen e lajmeve të rreme rreth ushtrisë. Skoçilenko zëvendësoi etiketat e çmimeve në supermarket me informacione për sulmin në teatrin në Mariupol.
Dënohet për shkrimin në maskë
Ponomarenko ishte dënuar më parë për punën e saj aktiviste.
Në gusht 2020, ajo u gjobit me 180 dollarë për një video të TikTok ku shkruhej: “Le të shkojmë të ushqejmë pëllumbat më 8 gusht. Zogjtë e vegjël janë të uritur”. Prokurorët pretendojnë se mesazhi inkurajoi njerëzit të marrin pjesë në mitingje të paligjshme në solidaritet me protestuesit në qytetin e Khabarovsk. Ponomarenko gjithashtu duhej të paguante një gjobë prej 180 dollarësh për mbajtjen e një maske me mbishkrimin “Putini duhet të japë dorëheqjen” në një nga seancat gjyqësore.
Avokati i saj pretendon se prokuroria nuk ka prova të mjaftueshme se statusi për sulmin ndaj teatrit në Mariupol është shkruar dhe publikuar vërtet nga klienti i tij.
Foto: Screenshot
