Tingujt e luftës po jehojnë gjithnjë e më fort në Belgorod, një qytet rus që është vetëm 40 kilometra larg kufirit ukrainas.
“Kjo është e vërtetë. Asnjëherë nuk e dini se kush po qëllon, ne apo ata” , tha për Guardian-in Vladimiri, një tregtar nga Belgorodi.
Në fillim të vitit, popullsia vendase dëshmoi akumulimin e forcave ushtarake ruse jo shumë larg shtëpive të tyre.
“Kur filloi konflikti, ne dëgjuam raketa që fluturonin drejt Ukrainës. Mirëpo, tani po qëllojnë edhe ndaj nesh. Tingulli është ndryshe”, shton Vladimiri.
Ndërsa pushtimi u zvarrit pasi Rusia nuk arriti të ndërmarrë veprime të shpejta për të pushtuar Kievin, zyrtarët nga Belgorod dhe qytete të tjera ruse pranë kufirit me Ukrainën po raportojnë gjithnjë e më shumë se qytetet e tyre janë objektiva të sulmeve ukrainase.
Ukraina nuk e ka marrë hapur përgjegjësinë për sulmin në qytetet ruse, por tha se ishte “karma” dhe hakmarrje.
Kundërsulmet e supozuara ukrainase, të cilat filluan më 1 prill me hedhjen me raketa të një depoje nafte në Belgorod, shënuan forcimin e një rreziku të paimagjinueshëm më parë se ata do të shijonin një pjesë të dëmit që i shkaktonin Ukrainës në territorin e tyre.
“Ne flasim shumë për atë që po ndodh. Atmosfera në qytet është e tensionuar. Jeta vazhdon, por ndonjëherë nuk mund ta injorojmë, si kur qyteti ynë ishte i mbuluar nga tymi i dendur, “tha Ana, një mësuese në Belgorod , për Guardian.
Zyrtarët e këtij qyteti kanë regjistruar tre sulme vetëm gjatë kësaj jave. Guvernatori Vyacheslav Gladkov tha javën e kaluar se një civil rus ishte vrarë në një sulm në një qytet të vogël në zonë.
Forcat ukrainase rimorën fshatrat përreth Kharkivit që ranë nën kontrollin rus më herët gjatë luftës gjatë javës së kaluar. Ushtarët rusë që ndodheshin në to u shtynë në kufirin ukrainas-rus jo shumë larg Belgorodit. Kharkiv u qetësua për një moment.
Ndërsa ekspertët ushtarakë bien dakord se Ukraina nuk do të sulmojë territorin rus më fort dhe më të organizuar, Belgorod dhe pjesë të tjera të Rusisë nuk po flenë të qetë.
Belgorod e ka ngritur nivelin e gatishmërisë në një nivel tjetër dhe numri i policëve në rrugë është rritur.
Ka pasur gjithashtu raporte për dy zjarre në ministrinë e mbrojtjes të Federatës Ruse në Belgorod dhe dëmtim të një ure të rëndësishme hekurudhore ruse, duke çuar në spekulime se diversantët ukrainas po veprojnë në Rusi. Zyrtarët rusë nuk kanë komentuar mbi incidentet dhe është e paqartë se si shpërthyen zjarret.
Foto: Wikipedia
