Spanja do të ketë parasysh mirëqenien e kafshëve, në rastet e divorceve apo shkëputjes së lidhjes së çifteve, duke nisur nga e mërkura, në një ndryshim ligjor që forcon çështjen për çiftet që marrin kujdestarinë e përbashkët të kafshëve të tyre.

Vendimi pason lëvizje të ngjashme në Francë dhe Portugali, dhe i detyron gjyqtarët që t’i konsiderojnë kafshët shtëpiake si qenie të ndjeshme dhe jo objekte në pronësi të njërit apo tjetrit partner, një prirje që tashmë ishte duke u zhvilluar përpara miratimit të ligjit.

“Kafshët janë pjesë e familjes dhe kur një familje vendos të ndahet, fati i kafshës duhet të rregullohet me të njëjtën rëndësi si fati i anëtarëve të tjerë të familjes”, ka thënë avokatja Lola Garcia, 42 vjeç.

Në tetor, një gjykatës i Madridit i dha kujdestarinë e përbashkët të një qeni një çifti të pamartuar që kërkuan një vendim gjykate se me kë duhet të qëndronte kafsha shtëpiake pasi të ndaheshin. Qeni kalon një muaj me secilin prej tyre dhe të dy janë ligjërisht përgjegjës.

Ndërkohë, zgjedhja e kafshëve shtëpiake në vend të fëmijëve është egoiste, ka thënë një ditë më parë Papa Françesku

Garcia, firma e të cilit trajton rastin e të Drejtave të Kafshëve e konsideron reformën një hap të parë madhor në një seri ndryshimesh ligjore të ardhshme që rregullojnë marrëdhëniet e njerëzve me kafshët.

Pronësia e kafshëve shtëpiake është e lartë në Spanjë midis vendeve evropiane, dhe qeveria e koalicionit të majtë planifikon legjislacion të mëtejshëm për të forcuar të drejtat e kafshëve, duke përfshirë ndalimin e kafshëve të egra në cirk dhe ndalimin e shitjes së kafshëve shtëpiake në dyqane.

Megjithatë, kombi mbetet i polarizuar rreth traditës së ndeshjeve me dema, një çështje e diskutueshme e të drejtave të kafshëve që nuk ka gjasa të zgjidhet në të ardhmen e afërt.

Më parë, një avokat që kërkonte kujdestarinë e përbashkët të një kafshe shtëpiake duhej të provonte që të dy anëtarët e një çifti e zotëronin kafshën si objekt, duke i dhënë përparësi kujtdo që e kishte regjistruar kafshën shtëpiake./albora.ch/