Shqipëria është pozicionuar në krah të Ukrainës në tensionet që janë tendosur mes saj dhe Rusisë.
Menjëherë pas deklaratave të Kryeministrit Rama, ambasadorja e Shteteve të Bashkuara të Amerikës në Tiranë, Yuri Kim ka vlerësuar qëndrimin e Shqipërisë.
Në një postim në Twitter, Kim shkruan se SHBA-të e vlerësojnë lidershipin e Shqipërisë në Këshillin e Sigurimit të Kombeve të Bashkuara si bashkëpenëmbajtës me ta. Ambasadorja e SHBA-ve shton se agresioni rus nuk kërcënon vetëm Ukrainën dhe Europën, por edhe rendin ndërkombëtar.
“SHBA vlerësojnë udhëheqjen e Shqipërisë në Këshillin e Sigurimit të OKB-së si bashkëpenëmbajtëse me ne mbi çështjen e Ukrainës. Agresioni i Rusisë kërcënon jo vetëm Ukrainën & Europën por rendin ndërkombëtar të cilin OKB-ja është ngarkuar të ruajë”. @USAmbAlbania Yuri Kim https://t.co/YT3FQeLN6k
— USEmbassyTirana (@USEmbassyTirana) February 5, 2022
Rama tregoi pozicionin e shtetit shqiptar për konfliktin mes Ukrainës dhe Rusisë si dhe theksoi se e vetmja zgjidhje për uljen e tensioneve mes tyre, sipas tij janë bisedimet./albora.ch/