Mbretëresha Elizabeth II varroset sot në Londër përmes një ceremonie shtetërore, ngjarje që po vlerësohet si operacion i “rrallë” i sigurisë në kryeqytetin britanik.
Qindra mijëra njerëz tashmë janë rreshtuar në rrugët e kryeqytetit për të parë funeralin.
Fillimisht arkivoli me trupin e pajetë të monarkes më jetëgjatë britanike do të dërgohet në Kishën e Uestministerit, ku do të mbahet një shërbesë fetare në të cilin do të marrin pjesë mijëra persona, më pas në Kështjellën Uindsor për një shërbim më privat.
Në fund, Mbretëresha Elizabeth II do të varroset në një ceremoni private në faltoren e Shën Xhorxhit, pranë burrit të saj të ndjerë, Princit Philip.
Ceremonia do të ndiqet nga mbretër të huaj dhe liderë botërorë dhe do të ndiqet nga qindra miliona në mbarë botën
Në pllakën prej mermeri në varrin e saj do të gdhendet: Elizabeth II 1926-2022.
