Pas protestës së zhvilluar ditën e sotme në Tiranë për rritjen e çmimeve, kryeministri Edi Rama ka thënë se taksat e naftës nuk do të hiqen.
“Këtë nuk e zhbën dot askush as gomat e X5, as çmimi i energjisë nuk do të rritet. Taksat e naftës nuk do të hiqen kurrë. 650 milionë euro që duhet të paguajmë deri në fund të vitit për energjinë elektrike”, tha Rama.
Rama solli sërish në vëmendje, së fatura e energjisë prej muaj nuk është prekur dhe se familjarët dhe biznesi i vogël nuk e paguan vetë, por e paguan së bashku me qeverinë.
“Ne po paguajmë 80% të kësaj fature, këtë nuk e ka bërë asnjë shtet në botë”, tha Rama, i cili solli si shembull rritjen në Kosovë dhe Maqedoninë e Veriut.
Sipas kryeministrit kjo i kushton shtetit 650 milionë euro çdo vit. Ai tha poashtu se taksat e naftës nuk do të hiqen sepse çmimi i energjisë nuk do të rritet./albora.ch/
