Në një konferencë për shtyp, presidenti kroat, Zoran Milanoviq u shpreh se Serbia është e pafuqishme që të shkaktojë agresion në Ballkan sërish, siç po bën Rusia në Ukrainë.
![](https://www.albora.ch/wp-content/uploads/2023/01/ozone_zak_gif.gif)
Milanoviq tha se po pret të shohë se çfarë do të ndodhë me Serbinë që është ndër shtetet e pakta që ende s’ka dënuar sjelljet e Rusisë. Tutje, ai theksoi se Beogradi është i dobët dhe s’ka fuqi të kryejë agresion.
“Lidershipi serb nuk po e di çfarë të thotë, është në zjarr. Beogradi po luan lojë, po pret që rusët të hyjnë në Kiev. Beogradi është i dobët. Çka do të sulmojë? Kosovën? Me çka? Me pistoleta uji?” u shpreh ai.
“Ndoshta është koha që Beogradi të vendosë nëse do të hyjë në Bashkimin Evropian. Nëse Vuçiqi e njeh Donbasin, atëherë njohja e Kosovës duhet të justifikohet. Ata vetë kanë hyrë në një rreth të çuditshëm e vicioz”, përfundoi presidenti./albora.ch/