Kompania farmaceutike Pfizer, e njohur së fundi për prodhimin e vaksinave kundër COVID-19, e ka blerë kompaninë amerikane farmaceutike të bioteknologjisë Biohaven për 11.6 miliardë dollarë para në dorë.
Kjo është blerja më e madhe në industrinë farmaceutike në pesë vitet e fundit shkruan Financial Times.
Të martë, kompania Pfizer deklaroi se do të paguajë 148.5 dollarë për aksion nga paratë që posedojnë për Biohaven. Kjo është 78 për qind më e lartë ndaj çmimit të mbylljes së aksionit të Biohaven të hënën.
Me të ardhurat rekord të lidhura me suksesin e vaksinës së saj Covid-19 dhe pilulës antivirale që pritet të bien, Pfizer me bazë në Nju Jork kishte kërkuar blerje për të mbështetur rritjen e saj. Marrëveshja është më e madhja e Pfizer që nga blerja e Medivation në 2016 për 14.3 miliardë dollarë.
Biohaven, e cila u themelua në vitin 2013, është e specializuar në barna që synojnë sëmundjet neurologjike dhe çrregullime të rralla. Ilaçi i tij më i njohur është Nurtec ODT, i cili është miratuar si për trajtimin akut ashtu edhe për parandalimin e migrenës tek të rriturit.
Pfizer investoi 350 milionë dollarë në kompani në nëntor të vitit të kaluar, duke blerë 2.6 për qind të aksioneve të saj për 173 dollarë secila.