Bisedimet mes zyrtarëve rusë dhe ukrainas u zhvilluan dje në kufirin me Bjellorusinë.
Agjencia ruse e lajmeve TASS, duke cituar një burim rus, ka thënë se një raund i dytë bisedimesh është planifikuar për nesër, shkruan Skynews.
Ukraina ka thënë se bisedimet kanë për qëllim vendosjen e një armëpushimi dhe tërheqjen e Rusisë, por zyrtarët perëndimorë janë të kujdesshëm ndaj motiveve të Rusisë.
Kujtojmë, se këshilltari i presidentit ukrainas, Volodymyr Zelensky, Mikhaylo Podolyak tha se qëllimi i tyre kryesor ishte të diskutonin armëpushimin dhe përfundimin e veprimeve luftarake në territorin e Ukrainës.
“Delegacionet ukrainase dhe ruse mbajtën raundin e parë të negociatave. Qëllimi i tyre kryesor ishte të diskutonin armëpushimin dhe përfundimin e veprimeve luftarake në territorin e Ukrainës. Palët kanë përcaktuar temat ku janë përcaktuar vendime të caktuara. Në mënyrë që këto vendime të të zbatohet si udhërrëfyes, palët po kthehen për konsultime në kryeqytetet e tyre. Palët diskutuan për mbajtjen e një raundi tjetër negociatash ku mund të zhvillohen këto vendime”.
Të dyja palët do të kthehen në kryeqytetet e tyre për konsultime përpara një raundi të dytë bisedimesh, i cili mund të zhvillohet në ditët në vijim, raporton agjencia e lajmeve Reuters.
Pritjet për një zgjidhje paqësore nuk ishin të larta përpara takimit të së hënës.
Ukraina tha se donte një armëpushim dhe tërheqje ruse, ndërsa Kremlini tha se nuk do të shpallte qëndrimin e tij. Negociatorët e Rusisë kanë folur për arritjen e një marrëveshjeje që është në interes të të dyja palëve./albora.ch/
Lexo edhe:
