Sot nënpresidentja e Shteteve të Bashkuara, Kamala Harris mbështeti thirrjet për një hetim ndërkombëtar për krime lufte ndaj Rusisë lidhur me agresionin e saj në Ukrainë dhe bombardimin e civilëve.
Në një vizite në kryeqytetin e Polonisë, Varshavë, zonja Harris dënoi ato që ajo i cilësoi si “mizori të përmasave të paimagjinueshme”.
Vizita e saj në Varshavë ka për qëllim shprehjen e mbështetjes amerikane për aleatët e krahut lindor të NATO’s.
Harris shprehu indinjatën për bombardimin e maternitetit të Mariupolit të mërkurën dhe skenat e evakuimit të grave shtatzëna të gjakosura.
“Absolutisht që duhet të ketë një hetim”, tha ajo.
“Është e qartë për ne që Rusia po kryen krime lufte në Ukrainë”, u shpreh presidenti polak Andrzej Duda, duke folur përkrah nënpresidentes amerikane./albora.ch/
