Ish-zonja e parë Amerikës, Michelle Obama iu bashkua kantautorit Bruce Springsteen për vokale rezervë në një koncert në Barcelonë të Spanjës të premten.
Videoja e postuar në Twitter tregonte Obamën duke luajtur në instumente dhe duke kënduar “Glory Days” në skenë me Springsteen dhe E Street Band.
Asaj raportohet se iu bashkua edhe aktorja Kate Capshaw, e cila është gruaja e regjisorit Steven Spielberg, sipas Rolling Stone.
Koncerti u zhvillua në stadiumin olimpik Lluis Companys të Barcelonës.
Reuters raportoi se ish-presidenti Barack Obama, Steven Spielberg dhe Springsteen darkuan së bashku në një restorant të quajtur Amar në hotelin Palace në Barcelonë një ditë para koncertit.
Barack dhe Michelle Obama bashkë me Spielberg vizituan vendet kulturore në qytet, duke përfshirë Muzeun Picasso dhe bazilikën Sagrada Familia, sipas medias.