Nëse publiku do të votonte kundër pjesëmarrjes së Zvicrës në zgjerimin e Agjencisë Evropiane të Rojës Kufitare dhe Bregdetare (Frontex), Konfederata do të përjashtohej automatikisht nga marrëveshjet e Shengenit, përveç nëse Komiteti i Përbashkët vendos ndryshe brenda 90 ditëve.
Nëse Dekreti Federal për Frontex do të refuzohej, do të ishte hera e parë që Zvicra nuk do të miratonte një acquis të Shengenit.
Në këtë rast, marrëveshja e Shengenit automatikisht do të pushojë së zbatuari dhe do të ndërpritet pas 30 ditësh, pa pasur nevojë për një vendim zyrtar, shpjegoi qeveria në përgjigje të një pyetjeje nga Christian Imark, transmeton albora.ch.
Lidhja e një “marrëveshjeje tërheqjeje” nuk është parashikuar në marrëveshjet e asocimit. Në të njëjtën kohë, do të ndërpritet edhe Marrëveshja e Dublinit (bashkëpunimi në fushën e azilit), pasi të dy traktatet janë të lidhura ligjërisht.
Megjithatë, Komiteti i Përbashkët i Shengenit mund të vendosë ndryshe dhe të vazhdojë të pranojë Konfederatën.
Vendimi duhet të merret unanimisht brenda tre muajve. Zvicra, Komisioni Evropian dhe të gjitha shtetet e BE-së janë të përfaqësuara në komitet./albora.ch/
