Komiteti i Vlerësimit të Rrezikut të Farmacisë i Agjencisë Evropiane të Ilaçeve (EMA) po shqyrton rastet e parregullsive menstruale me vaksinat e ARN-së kundër Covid-19.
Këto janë raportuar raste të gjakderdhjeve të rënda menstruale dhe mungesa e menstruacioneve me vaksinat nga Pfizer-BioNTech dhe nga Moderna, raporton ticinonews, përcjellë albora.ch.
Komiteti kishte analizuar më parë raportet mbi çrregullimet menstruale në kontekstin e raporteve përmbledhëse mbi sigurinë për vaksinat COVID-19 të miratuara në BE dhe përfundoi në atë kohë se provat nuk mbështesnin një lidhje shkakësore midis këtyre vaksinave dhe çrregullimeve menstruale.
Pas shqyrtimit të provave në dispozicion, u vendos të kërkohet një vlerësim i plotë të të gjitha të dhënave në dispozicion, duke përfshirë raportet nga sistemet spontane të raportimit, provat klinike dhe literatura e botuar.
Në këtë fazë, nuk është ende e qartë nëse ka një lidhje shkakësore midis vaksinave anti-Covid-19 dhe raporteve të periudhave të rënda ose amenorrhea, specifikon EMA./albora.ch/.
