Festivali “Sunny Hill” do të rikthehet sivjet në një organizim të veçantë në muajin gusht dhe këtë e ka vërtetuar vet këngëtarja shqiptare me famë ndërkombëtare, Dua Lipa.
Dua, e cila është vajza e organizatorit të këtij festivali, rokerit Dukagjin Lipa, në një intervistë të fundit për Financial Times, konfirmoi se “Sunny Hill” pret rikthimin e tij si organizim pas dy vitesh mungesë.
“Një vend ku mezi pres të kthehem është Shqipëria e Jugut. Shkova për dy javë verën e kaluar dhe bukuria atje është e pakrahasueshme. Uji është i njëjtë me Greqinë dhe ushqimi është i mahnitshëm. Po përpiqem të bëj sa më shumë njerëz të shkojnë në Shqipëri dhe Kosovë: dua të ndryshoj këndvështrimin e tyre se si janë këto vende. Festivali ynë ‘Sunny Hill’ do të përsëritet në Kosovë në gusht të këtij viti, dhe më pas do të kthehem me siguri në Shqipëri”, ka thënë Lipa./albora.ch/
