“Just Packed” ka publikuar disa këshilla për paketimin e bagazheve për udhëtime dhe si të mos merrni shumë gjëra.
Gjërat që rekomandohet t’i hidhni nga valixhja janë, ndër të tjera, një jastëk për qafën, takat jokomode, një mushama dhe shumë produkte për kujdesin e lëkurës.
Taka jo komode
Takat me të cilat nuk mund të kaloni gjithë mbrëmjen nuk meritojnë një vend në valixhen tuaj. Mund ta përdorni këtë hapësirë për diçka më praktike. Nëse zgjidhni taka, ekspertët ju këshillojnë të sillni një pjesë universale që mund t’i rezistojë kushteve të ndryshme të motit.
Mushama
Mushama do të zërë vend në valixhe dhe shumë rrallë do ta përdorni. Gjatë udhëtimit mund ta blini një ombrellë edhe kur të mbërrini në destinacionin tuaj.
Jastëk i madh për qafën
Ka opsione më të mira që janë më të përshtatshme për udhëtim sesa një jastëk standard i qafës. Ora e gjumit që do të bëni duke përdorur jastëkun tuaj nuk ia vlen për gjithë bartjen në udhëtim.
Karikues i gabuar
Hulumtimi para udhëtimit përfshin të kuptuarit e llojeve të prizave në destinacionin tuaj. Ekspertët rekomandojnë që të mbani me vete një karikuesuniversal për t’u përgatitur për të gjitha rastet.
Shumë produkte për kujdesin ndaj lëkurës
Marrja e të gjitha produkteve që ju nevojiten për rutinën tuaj të kujdesit të lëkurës, mund të jetë një bezdi e vërtetë veçanërisht pasi shumica e produkteve vijnë në paketime mjaft të mëdha. Nëse kozmetika juaj e preferuar nuk vjen në paketime “udhëtimi”, rekomandohet që të sillni vetëm gjërat elementare./albora.ch/
