Një burrë 87-vjeçar vdiq teksa ishte i lidhur me një aparat frymëmarrjeje, ndërsa qelizat e trurit të tij po gjurmoheshin. Ja çfarë zbuluan shkencëtarët.
Çështja që i intereson më shumë njerëzit është ajo që na ndodh pas vdekjes. Përgjigja për këtë ndoshta do të mbetet përgjithmonë e panjohur, megjithatë një histori e një burri 87-vjeçar jep një sugjerim se çfarë ndodh me trurin tonë momentet para vdekjes, dhe përgjigja mund të jetë shumë mirë se jeta na kalon para syve, ashtu si klishetë më të mira të Hollivudit.
Në një rrethanë të rrallë, aktiviteti i trurit të një burri 87-vjeçar u regjistrua nga një ekip ndërkombëtar shkencëtarësh pak çaste para se të ndërronte jetë. Gjetjet e studimit u publikuan në revistën Frontiers in Aging Neuroscience më 22 shkurt, transmeton albora.ch.
Ai u shtrua në spital me gjakderdhje truri në dhomën e urgjencës pas një rënieje. Së shpejti, gjendja e tij u përkeqësua. Mjekët kryen një test EEG për të ekzaminuar valët e trurit të tij dhe zbuluan se pacienti kishte zhvilluar epilepsi. Mirëpo, gjatë EEG-së ai pati një atak në zemër dhe ndërroi jetë.
Sipas ekipit, analiza e regjistrimeve 30 sekonda para dhe pasi zemra e burrit ndaloi së rrahuri tregon se në momentet e tij të fundit ai përjetoi një sërë ndryshimesh në lloje të ndryshme të valëve të trurit, duke përfshirë valët e trurit alfa dhe gama.
Studimi tregon se ndërveprimet midis llojeve të ndryshme të valëve të trurit vazhdojnë edhe pasi gjaku të ndalojë rrjedhjen në tru.
Gjithashtu ngriti mundësinë intriguese që jeta e burrit të ketë kaluar para syve të tij, shtuan studiuesit.
“Duke pasur parasysh se ndërlidhja e aktivitetit alfa dhe gama është e përfshirë në proceset njohëse dhe kujtesën në subjekte të shëndetshme, është intriguese të spekulohet se një aktivitet i tillë mund të mbështesë mundësinë e kujtimit të minutës së fundit, e cila mund të ndodhë në një gjendje afër vdekjes”, tha ekipi.
Pavarësisht këtij zbulimi mahnitës, gjetjet bazohen në regjistrimet e vetëm një personi. Studiuesit inkurajuan kujdes dhe vunë në dukje, ndër të tjera, se dëmtimet traumatike të trurit dhe dëmtimi i lëndës së bardhë mund të ndikojnë në valët e trurit, ndërsa aktiviteti i rrjetit të trurit mund të ndikohet nga ilaçet antikonvulsante si ato që i jepen këtij pacienti.
Rezultatet mund të kenë implikime të rëndësishme.
“Këto gjetje sfidojnë të kuptuarit tonë se kur përfundon jeta dhe ngrenë pyetje të rëndësishme më pas, të tilla si ato që lidhen me kohën e dhurimit të organeve”, tha Dr. Ajmel Zemer, një neurokirurg në Universitetin e Louisville dhe një bashkautor i studimit.
“Ky studim, i cili tregon gjetje të ngjashme në një person që po vdes , është njëkohësisht emocionues dhe magjepsës, por nëse aktiviteti i dokumentuar qëndron në themel të ndonjë përvoje subjektive – qoftë të ashtuquajturat ‘përvoja afër vdekjes’, apo përshtypjet e jetës që shkëlqejnë para syve tanë. nuk mund të thuhet dhe me siguri do të mbetet kështu.” /albora.ch/
Lexo edhe:
