Marketing

Një ditë pasi u tërhoq nga gara zgjedhore për presidencën, ish-kryeministri italian Silvio Berlusconi është shtruar në një spital në Milano për ekzaminime mjekësore,

Mediat lokale raportojnë se lideri i qendrës së djathtë është shtruar në spitalin San Rafaele, ku punon edhe mjeku i tij personal.

Zyra e tij ka bërë të ditur se ai prej disa ditësh ka shkuar në atë institucion për t’i nënshtruar ekzaminimeve mjekësore.

Berlusconi u kontraktua me koronavirus në pranverën e vitit 2020 dhe ai ishte në spital disa herë pranverën e kaluar për të trajtuar komplikimet që lidhen me virusin.

Pasi u shërua nga COVID-19, Berlusconi, 85-vjeç, tha se sëmundja ishte tinëzare dhe se ishte sfida më e rrezikshme me të cilën ishte përballur ndonjëherë.

Berlusconi ka një sëmundje të zemrës që i bëri atij të vendoste një stimulues kardiak disa vite më parë.

Ndryshe, Berlusconi të shtunën e tërhoqi pa dëshirë kandidaturën në garën zgjedhore për presidentin e ri të Italisë. Për 7 vitet e fundit, këtë funksion kryesisht ceremonial e ka kryer Sergio Matarella, derisa analistët pohojnë se kryeministri aktual Mario Draghi ka shanset më të mira për ta pasuar atë.

Ligjvënësit italianë dhe përfaqësuesit rajonalë do të fillojnë votimin të hënën. Zgjedhjet indirekte mund të zgjasin deri të enjten. /albora.ch/

Marketing