Një shtëpi është përfshirë nga flakët në Australi pas goditjes nga rrufeja. Përmes disa videove të publikuara në rrjetet sociale shikohet momenti kur shtëpia shpërthen në flakë sapo goditet nga rrufeja në çati.
Mediat e huaja raportojnë se ngjarja ka ndodhur në Sidnein perëndimor, pasi një stuhi e fuqishme goditi të gjithë qytetin, Blue Mountains dhe Central Coast.
Siç bëhet e ditur, zjarrfikësit gjetën shtëpinë e Glenmore Park të përfshirë nga flakët të cilat ishin kërcënuese për tu përhapur në shtëpitë fqinje. Momenti i pabesueshëm i goditjes së rrufesë u kap nga një kamerë e një makine që kalonte andej, pavarësisht kushteve të motit.
“Raportet fillestare tregojnë se shtëpia është goditur nga rrufeja, duke shkaktuar zjarrin”, kanë thënë autoritetet.
Po ashtu raportohet se stuhia thuhet se solli shi të dendur, breshër dhe erëra të forta që shkaktuan, ndër tjerash edhe shembjen e çatisë së një qendre tregtare./albora.ch/
