Byroja Shtetërore e Hetimeve në Ukrainë ka njoftuar se Shërbimi Sekret ukrainas është duke i hetuar 38 zyrtarë ukrainas për tradhti kombëtare.
Në njoftim bëhet e ditur se në mesin e të dyshuarve janë edhe zyrtarë policorë të cilët janë bashkuar me Rusinë, transmeton albora.ch.
“SBI po heton 38 procedime penale kundër zyrtarëve ukrainas dhe oficerëve të zbatimit të ligjit, të cilët kanë ndihmuar agresorin, sipas nenit 111 të Kodit Penal të Ukrainës (tradhti). Ndër të tjera, hetuesit e SBI-së kanë nisur procedimin penal kundër disa oficerëve të policisë në Mariupol dhe Kherson. Ata kanë kryer tradhti në kushtet e gjendjes ushtarake dhe kanë shkuar në anën e armikut. SBI ka regjistruar raste të izoluara në lidhje me respektimin e pushtetit pushtues rus nga oficerët e zbatimit të ligjit. Pjesa dërrmuese e tyre vazhdojnë të mbrojnë atdheun tonë heroikisht”, thuhet në postim./albora.ch/
The SBI is investigating 38 criminal proceedings against Ukrainian officials and law enforcement officers, who have assisted to the aggressor, under Article 111 of the Criminal Code of Ukraine (treason).
— ДБР (@dbr_gov_ua) March 10, 2022