Presidenti ukrainas Volodymyr Zelenskyy tha të mërkurën se rreth 200,000 fëmijë janë në mesin e ukrainasve që janë dërguar me forcë në Rusi dhe janë shpërndarë në të gjithë vendin e gjerë.
Këtu përfshihen fëmijët nga jetimoret, fëmijët e marrë me prindërit dhe ata të ndarë nga familjet e tyre.
Qëllimi i kësaj politike kriminale nuk është vetëm të vjedhë njerëzit, por t’i bëjë ata që deportohen të harrojnë Ukrainën dhe të mos mund të kthehen, tha Zelenskyy në fjalimin në një video drejtuar kombit, shkruan BI.
Zelenskyy tha se Ukraina do të ndëshkonte ata që janë përgjegjës, por së pari do t’i tregonte Rusisë në fushën e betejës se Ukraina nuk mund të pushtohet, se populli ynë nuk do të dorëzohet dhe fëmijët tanë nuk do të bëhen pronë e pushtuesve.
Zelenskyy tha se 243 fëmijë janë vrarë deri më tani në luftë, 446 janë plagosur dhe 139 janë të zhdukur, duke shtuar se mund të jetë më shumë pasi qeveria e tij nuk ka një pamje të plotë të situatës në zonat e pushtuara nga trupat ruse.
