“Ne do ta mbrojmë Ukrainën me ose pa partnerët tanë”, tha Presidenti ukrainas Volodymyr Zelensky në fjalimin e tij në Konferencën e Sigurisë në Mynih. “Ne nuk kërkojmë donacione, është kontributi juaj për sigurinë ndërkombëtare”, nënvizoi Zelensky, duke shtuar se “Ukraina është mburoja e Evropës kundër ushtrisë ruse”.
“Bota nuk do luftë, Ukraina ka nevojë për paqe, ne kemi nevojë për paqe”, tha ai në fjalimin e tij. Por për Zelensky, “arkitektura globale e sigurisë është e brishtë dhe ka nevojë për përditësim” dhe ai e quajti gjendjen aktuale të sigurisë botërore një “shurup kollë kundrejt një vaksine”. Dhe më pas ai përsëriti: “Vendet anëtare të NATO-s janë të ndershëm dhe na thonë nëse duan Ukrainën” duke kërkuar “një afat kohor të qartë dhe të arritshëm për anëtarësimin në Aleancë” transmeton albora.ch.
“Ne nuk jemi në panik, kemi një qëndrim solid dhe konsistent”, shtoi ai. “Po shmangim rënien në ndonjë provokim”, por theksoi gjithashtu se sot dy ushtarë ukrainas kanë mbetur të vrarë dhe tre të plagosur në lindje të vendit.
Nëkufizimet e fjalës së tij, presidenti ukrainas tha gjithashtu se “Memorandumi i Budapestit nuk funksionon”, duke theksuar “heshtje” për këtë çështje dhe duke shtuar se në Ukrainë nuk do të ketë aq heshtje. Memorandumi i Budapestit për garancitë e sigurisë është marrëveshja, e nënshkruar në 1994, me të cilën Kievi ra dakord të asgjësonte stokun e madh të armëve bërthamore që kishte trashëguar pas shpërbërjes së BRSS, duke iu bashkuar traktatit bërthamor të mospërhapjes së armëve./albora.ch/
