Bashkimi Evropian i dha Ukrainës të premten një “hap të rëndësishëm” drejt anëtarësimit në bllok, me Presidenten e Komisionit Ursula von der Leyen që i dorëzoi me ceremoni presidentit ukrainas Volodymyr Zelensky një pyetësor për ta plotësuar si pjesë e procesit të gjatë të anëtarësimit.
“Ukraina i përket familjes evropiane. Ne i dëgjuam kërkesat tuaja me zë të lartë dhe të qartë. Dhe sot, ne jemi këtu për t’ju dhënë një përgjigje të parë pozitive, tha von der Leyen duke folur para gazetarëve në Kiev së bashku me Zelensky dhe Përfaqësuesin e Lartë të BE-së për Punët e Jashtme dhe Sigurinë Josep Borrell.
“Në këtë zarf, i dashur Volodimir, ka një hap të rëndësishëm drejt anëtarësimit në BE. Pyetësori që është këtu është baza për diskutimin tonë në javët e ardhshme. Aty fillon rruga juaj drejt Evropës dhe Bashkimit Evropian.”
Von der Leyen tha se ajo shpreson të jetë në gjendje të punojë ngushtë me Zelesnky për të plotësuar pyetësorin brenda javësh, shkruan cnn.
Duke e falënderuar atë kur mori dokumentin, Zelesnky bëri shaka: “Ne do të jemi gati me përgjigjet, Ursula, brenda një jave”.
Pyetësori është një nga hapat e shumtë që Ukraina duhet të plotësojë për të arritur anëtarësimin e plotë në BE./albora.ch/
