Departamenti i Punëve të Jashtme po u kërkon qytetarëve irlandezë që të largohen nga Ukraina “menjëherë me mjete tregtare”.
Deri më tani, qeveria kishte këshilluar kundër çdo udhëtimi jo thelbësor në Ukrainë, pavarësisht frikës se një pushtim rus i Ukrainës është gjithnjë e më i afërt.
Megjithatë kjo këshillë ndryshoi këtë pasdite, transmeton albora.ch.
Në një deklaratë pasditen e sotme, Departamenti i Punëve të Jashtme tha:
“Pas konsultimeve intensive gjatë natës dhe këtë mëngjes me partnerët e BE-së në Kiev dhe Bruksel, dhe me partnerë të tjerë, Departamenti i Punëve të Jashtme ka përmirësuar këshillat e udhëtimit për Ukrainën.Çdo shtetas irlandez që kërkon ndihmë urgjente konsullore duhet të kontaktojë Departamentin e Punëve të Jashtme në +353 1 4082000”.
Ambasada irlandeze në Kiev do të mbetet e hapur me një numër të vogël të stafit thelbësor të mbetur, megjithatë, Departamenti tha se situata do të mbahet nën shqyrtim./albora.ch/
