Dy shtetas shqiptarë të moshës 51 dhe 31-vjeç janë vënë në pranga ditën e djeshme në doganën e Follorinës pasi kanë tentuar të kalojnë 52 kilogram hashash.
Sipas policisë, është ndaluar një automjet që vinte nga kufiri i gjelbër dhe nga kontrolli brenda tij janë gjetur dhe sekuestruar 3 çanta me 51 pako që përmbanin 52 kg 495 marijuanë.
Në pranga ka përfunduar drejtuesi i mjetit, një shtetas shqiptar 31-vjeçar. Është ndaluar dhe një automjet i dytë që shërbente për kontrollin e rrugës dhe është arrestuar drejtuesja e mjetit, gjithashtu shtetase shqiptare 51 -vjeçe. U sekuestruan në total dhe 4 celularë, 5 karta SIM dhe 1050 euro.
3 muajt e fundit, në Kostur, Kozani, Igumenicë, Artë e Korfuz, pra zona afër kufirit me Shqipërinë, policia greke ka sekuestruar rreth 705 kg marijuanë që dyshohet se vinte nga Shqipëria.
