Dy foshnja vdiqën nga i ftohti pasi bora e madhe dhe temperaturat e ulta goditën kampet për njerëzit e zhvendosur në Siri.
Një zyrtar i OKB-së i tha AFP-së se një foshnje 7 ditëshe dhe një vajzë dymuajshe vdiqën në provincën Idlib, raporton bbc.
Rreth 2.8 milionë persona kanë kërkua strehim pasi u larguan nga shtëpitë e tyre gjatë vjetëve të gjata të luftës në vend. Shumë jetojnë në tenda të vjetruara, pa rroba apo ngrohje.
OKB-ja ka paralajmëruar se situata po përkeqësohet për shkak të krizës ekonomike në Siri që është përballur me çmimet e dyfishta të ushqimeve dhe nevojave në rritje të njerëzve.
Sipas OKB-së, 287 kampe për personat e zhvendosur në Idlib dhe Aleppo janë prekur nga reshjet e borës, përmbytjet dhe erërat e forta si rezultat i stuhive që goditën rajonin më 18, 19 dhe 25 janar. Bora ka shkatërruar të paktën 935 tenda dhe ka dëmtuar më shumë se 9,500 të tjera. /albora.ch/
Displaced people in northwest #Syria are still dealing with the aftermath of the snow storms & severe weather that battered many of the camps in the last two weeks.
— Mark Cutts (@MarkCutts) January 31, 2022
Humanitarian teams are responding, but more funding is urgently needed to scale up the response pic.twitter.com/3ZRvUeoFuj
