Sanksionet kundër Rusisë nuk zbatohen vazhdimisht në Zvicër. Kjo është kritika e Partisë Socialiste, e cila ka sulmuar ashpër Departamentin Federal të Ekonomisë, Arsimit dhe Kërkimit.
PS-ja ka vendosur gjithashtu të ankohet në Këshillin Federal kundër DF-së duke paraqitur një ankesë kundër DF-së në bazë të nenit 71 të Ligjit Federal për Procedurën Administrative, sipas të cilit çdokush mund të raportojë, në çdo kohë, te mbikëqyrësi faktet e autoritetit që kërkojnë, në interes të publikut, një ndërhyrje zyrtare kundër një autoriteti.
Këshilli Federal duhet të udhëzojë departamentin e Guy Parmelin që të zbatojë sanksionet “plotësisht dhe shpejt”, shkruan partia në një pozicion, transmeton albora.ch.
Sipas Partisë Socialiste, sanksionet duhet të zbatohen sa më shpejt. Pa to, oligarkët rusë mund të vazhdojnë të tërheqin asetet e tyre nga Zvicra.
Për PS-në nuk mjafton presioni aktual mbi regjimin e presidentit rus Vladimir Putin, gjë që zvogëlon gjasat që lideri i Kremlinit të marrë një vend në tryezën e bisedimeve./albora.ch/
