Agjencia ndërkombëtare e lajmeve Reuters ka shkruar për filmin shqiptar “Zgjoi”.
“Historia e vërtetë e një vejushe të luftës në Kosovë” është titulli i vendosur artikullit kushtuar “Zgjoit”. Artikulli fillon me fillet e historisë së filmit duke e rrëfyer kështu në detaje se për çka bëhet fjalë.
“Fahrije Hoti ishte 28 vjeçe kur humbi burrin e saj, së bashku me pothuajse të gjithë popullsinë mashkullore të fshatit të saj, në kryengritjen e shumicës etnike shqiptare të Kosovës në vitet 1998-99 kundër sundimit represiv serb. Duke pasur nevojë të siguronte familjen e saj, nëna e dy fëmijëve themeloi kooperativën e parë bujqësore në Kosovë vetëm për femra me të veja të tjera të luftës”, shkruan Reuters.
Lidhur me filmin, ka folur edhe regjisorja Blerta Basholli, 39 vjeçe, e cila tregoi se ishte 16 vjeçe kur u detyrua të largohej nga kryeqyteti i Kosovës, Prishtina pasi filloi konflikti.
“Mendova se do të merreshim me të. Mendova se folëm për të dhe e tejkaluam atë. Por nuk mendoj se e bëmë”, tha regjisorja Basholli për Reuters.
“Kur kishte një skenë të vështirë në xhirime, i gjithë ekipi ishte shumë i qetë dhe shumë njerëz po qanin. Ishte vërtet e vështirë, por në një farë mënyre na ndihmoi të flisnim për të dhe të shpresojmë të shërohemi nga ajo duke e diskutuar më shumë”, tha tutje regjisorja e njohur.
“Historia e Fahrijes, por edhe udhëtimi i filmit ‘Hive (Zgjoi)’, u dha njerëzve shpresë se nëse punoni shumë, mund të bëni diçka”, përfundoi ajo./albora.ch/
