Ju mund ta keni përjetuar, apo edhe thjesht të keni dëgjuar përrallat legjendare: Zvicra është jashtëzakonisht e kushtueshme!
Por a i shohin njerëzit që fitojnë një pagë zvicerane këto kosto të larta në të njëjtën mënyrë?
Krahasuar me mesataren evropiane, shumica e produkteve janë më të shtrenjta në Zvicër. Dhe zviceranët janë shumë të vetëdijshëm për dallimet e çmimeve.
Një studim i kohëve të fundit doli në përfundimin se bizneset dhe konsumatorët zviceranë mund të kursenin mbi 3.3 miliardë CHF (3.6 miliardë dollarë) në vit nëse do të ishin në gjendje të siguronin produkte jashtë vendit, transmeton albora.ch.
Por pavarësisht çmimeve të larta në Zvicër, situata financiare e popullsisë është relativisht më komode se ajo e vendeve fqinje dhe e shumicës së vendeve të Bashkimit Evropian.
Megjithatë, rreth 660,000 njerëz në Zvicër ende jetojnë nën kufirin e varfërisë./albora.ch/
