Rastet e COVID po rriten në mënyrë eksponenciale në të gjithë Kinën, SHBA, Japoninë dhe Korenë e Jugut. Raportohet gjithashtu se ka një rritje të numrit të pacientëve që zhvillojnë pneumoni nga Covidi. Shumica e njerëzve që infektohen me Covid, vuajnë nga kolla kronike, ethe dhe gulçim. Por disa nga këta pacientë, zhvillojnë gjithashtu pneumoni të rëndë në të dy mushkëritë. Çfarë është kjo gjendje? Si ndryshon nga pneumonia normale?
Pneumonia është një infeksion i mushkërive që çon në inflamacion në qeset e ajrit të mushkërive. Ata zakonisht mbushen me lëngje dhe qelb që i bën mushkëritë të vështira për të kryer aktivitetet e tyre. Disa nga shenjat e kësaj gjendje janë gulçim, kollë, ethe, dhimbje gjoksi, të dridhura dhe lodhje. Covidi sulmon mushkëritë, mushkëritë dobësohen dhe në këtë kohë nëse qeskat e ajrit të mushkërive mbushen me qelb ose lëng quhet pneumoni e Covid-19.
Kur një pacient vuan nga Pneumonia COVID-19, fillimisht mushkëritë infektohen nga virusi. Më pas për shkak të imunitetit të dobët, mushkëritë mbushen me qelb dhe lëngje, gjë që e bën të vështirë për personin të marrë frymë siç duhet. Shpesh çon në kollë, ethe dhe dhimbje trupi.
Simptomat e pneumonisë së Covid-19
Temperatura, kolla e thatë dhe gulçimi janë shenja të hershme të zakonshme të Covid-19. Disa nga simptomat e tjera mund të përfshijnë lodhje, të dridhura, të përziera, diarre, dhimbje barku, dhimbje koke, humbje të nuhatjes dhe shijes, dhimbje të fytit, dhimbje muskujsh ose dhimbje trupi, mbingarkesë, rrufë, sy të kuq dhe skuqje të lëkurës.
Simptomat e rënda të pneumonisë së Covid-19
Disa nga simptomat e rënda të pneumonisë COVID-19 përfshijnë rrahje të shpejta të zemrës, gulçim, frymëmarrje të shpejtë, marramendje, djersitje të rëndë, etj.
Kush është në rrezik nga pneumonia e Covid-19?
Më të rrezikuar nga pneumonia e Covid-19 është një grup të caktuar njerëzish, i cili përfshin pacientët me astmë, pacientët që vuajnë nga sëmundje të mushkërive, presioni i lartë i gjakut, diabeti, sëmundjet e mëlçisë, dështimi i veshkave, obeziteti, etj.
